Front-Page-pic1
PARTICIPANTENAN A CANA DEN ARUBA BANK CAMINATA DI 4 DIA DEN DIFERENTE BARIO

PARTICIPANTENAN A CANA DEN ARUBA BANK CAMINATA DI 4 DIA DEN DIFERENTE BARIO

news . Posted in Deporte, Featured Articles 20

Aruba Bank, Subway y IDEFRE por mira atras na un otro Caminata di 4 dia exitoso. Miles participante a a registra y a cana riba e dianan 14, 15, 16 y 17 den e bario di Brazil, Savaneta, Noord y Dakota. Por a mira caranan masha conoci, y tambe fila largo di hendenan di tur bario di nos isla, cu tambe a cana durante e 4 dianan aki.  E aña aki tambe varios grupo di hoben a join Aruba Bank Caminata. Tur hende a keda masha contento, pasobra no solamente nan ta cana pa nan salud y condicion fisico, pero tambe a haña un bon chens pa socializa, pa topa cu otro amigo y conocirnan na un ocasion asina positivo y saludabel. Subway pa di 3 aña ta e co-patrocinador di Aruba Bank Caminata. Subway a invita e ganadornan  di e programa di television “Perde pa Gana” pa participa na e evento aki. Tur a cana durante tur e 4 dianan. Di e forma aki Subway a pone enfasis atrobe riba e importancia di nutricion y movecion den nos bida diario. E personanan aki alaves ta muestra cu nos tur por scohe pa un bida saludabel pa asina por disfruta di un mihor calidad di bida. Subway ta sigui motiva pueblo di Aruba pa “Eat Fesh” como parti di nan filosofia di Fit Evolution y su linea di sandwichnan di 6-gram di vet of menos bou di e nomber Fresh-Fit Meals. Idefre ta organiza e Caminata di 4 dia aki pa di 9 aña. Un danki na personal di Idefre y miembronan di PIA, pa  nan cooperacion pa asina Aruba Bank Caminata un gran exito un vez mas. Un danki special ta bay na Rode Kruis y Cuerpo Policial y tambe na medionan di prensa pa e cooperacion pa por a realisa e evento grandi aki. Un palabra di gradecimento tambe ta bay pa Dwayne Wever di “Step It Up” cu a regala tur participante 30 minuut di Zumba, riba e ultimo dia. Y un danki di curazon na tur nos participantenan y e gruponan cu a cana fielmente den Aruba Bank Caminata y asina haci cu e aña aki atrobe Aruba Bank Caminata 4 dia ta un exito total. Riba e fotonan adhunto por mira un cantidad grandi di participante, tur cu a cana pa nan salud y pa pasa un rato hopi ameno!

p5rn7vb